ТОШКЕНТ, 23 авг — Sputnik. Америка Қўшма Штатлари президенти Жозеф Байден лавозимга келганидан бери 228 кунни таътилда ўтказди. Бу ҳақда Республикачилар партияси миллий қўмитаси баёнотида келтирилган, дея хабар берди РИА Новости.
“Бугун Жо Байденнинг биргина бу йилги таътилининг 93-куни. Байден лавозимга келганидан бери 228 кунни таътилда ўтказди”, - дейилади баёнотда.
Байден 2021 йил 20 январда лавозимга киришган. У 19 ой ёки деярли 580 кун давомида давлат раҳбари лавозимини эгаллаб турибди.
Айни пайтда, “NewYork Post” газетасига кўра, 79 ёшли Байден ўзининг 19 ойлик лавозимида ўзидан олдингиларга қараганда кўпроқ таътил олган ва Делавердаги қароргоҳида 150 кунни дам олиб ўтказган. Нашрнинг ёзишича, АҚШнинг собиқ президенти Дональд Трамп бу муддатга қадар 132 кун, аввалги етакчи Барак Обама 38 кун ва ундан олдинги маъмуриятни бошқарган Жорж Буш 100 кун таътилда бўлган.
Эслатиб ўтамиз, Жо Байден 10 август куни оиласи билан Киауа оролига (Жанубий Каролина штати) дам олишга келганди.