ТОШКЕНТ, 20 авг — Sputnik. Россия авиацияси Харьков яқинидаги “Кракен” миллатчи тузилмаси позицияларига зарба берди, 100 дан ортиқ жангари йўқ қилинди, деб хабар берди Мудофаа вазирлиги.
“Харков вилоятидаги Андреевка аҳоли пункти яқинида Россия ҳарбий авиация кучларининг “Кракен”* миллатчиларининг жанговар позицияларига берилган зарбаси натижасида 100 дан ортиқ жангари, шу жумладан 20 нафаргача америкалик ёлланма аскар йўқ қилинди”, - дейилган баёнотда.
Бундан ташқари, Россия ҲҲКнинг тезкор-тактик авиацияси Украинанинг Днепропетровск вилоятидаги Великомихайловка аҳоли пункти ҳудудида Украина ҚК ҳудудий мудофаасининг 110-бригадаси жойлашган жойга зарба берди.
Бўлинма камида 200 кишини йўқотгани, 150 дан ортиғи яралангани айтилмоқда.
ДХРдаги Звановка ва Параскокиевка аҳоли пунктлари яқинидаги Украина армияси ҳаво-десант бригадасининг 3 ва 12-баталонлари шахсий таркиби тўпланган ҳудудларга юқори аниқликдаги ракета зарбалари оқибатида яна камида 200 киши ҳалок бўлди.