ТОШКЕНТ, 19 авг — Sputnik. Запорожье АЭСни ҳимоя қилиш тизими Украина армияси томонидан объектга зарба беришга уриниш эҳтимоли бўлгани туфайли кучайтирилди. Бу ҳақда РИА Новостига вилоят маъмурияти бош кенгаши аъзоси Владимир Рогов маълум қилди.
Аввалроқ Россия Мудофаа вазирлиги расмий вакили генерал-лейтенант Игорь Конашенков БМТ Бош котиби Антониу Гутерришнинг Украинага ташрифи чоғида Киев режими Запорожье атом электр станциясида резонансли провокация тайёрлаётганини маълум қилганди. Шу билан бирга, улар техноген фалокат учун Россияни айблашни режалаштираётгани айтилганди.
“АЭСни ҳимоя қилиш тизими кучайтирилди, барча тафсилотларни ошкор эта олмайман. Биз бу кунни тўлиқ қуролланган ҳолда кутиб олмоқдамиз, чунки Зеленский режимидан ҳамма нарсани кутиш мумкин”, деди Рогов.
РФ Қуролли кучларининг радиацион, кимёвий ва биологик ҳимоя қўшинлари бошлиғи Игорь Кириллов Киевнинг Запорожье атом электр станциясидаги ҳаракатлари туфайли Чернобиль ва Фукусимада содир бўлган ҳолатга ўхшаш вазият юзага келиши мумкинлигини айтди.
Маълумот ўрнида, ҳозирда станция Россия ҳарбийлари томонидан назорат қилинади. Сўнгги ҳафталарда Украина Қуролли кучлари АЭС ҳудудига мунтазам равишда зарбалар берди.