ТОШКЕНТ, 16 авг — Sputnik. Россия ўтган йили Афғонистоннинг собиқ ҳарбийлари Ўзбекистон ва Тожикистонга олиб қочган 100 га яқин самолёт ва вертолётни Украинага берилишини истамайди. Бу ҳақда Россия Федерацияси президентининг Афғонистон бўйича махсус вакили, Россия ТИВ Осиё бўйича иккинчи департаменти директори Замир Кабулов РИА Новостига берган интервьюсида маълум қилди.
“Биз учун афғон ҳарбий раҳбарияти ва аскарлари қочаётганда олиб кетган ҳамда Ўзбекистон ва Тожикистон ҳудудига тушиб қолган вертолёт ва самолётлар Украинага кирмаслиги муҳим”, деди Кабулов.
Унинг эслатишича, ўшанда 60 га яқин вертолёт ва самолёт Тожикистонга, 40-50 атрофида Ўзбекистонга ўтиб кетган.
Ўтган йилнинг август ойида Кобулда Толибон* ҳокимият тепасига келганидан сўнг Афғонистон ҳарбий-ҳаво кучлари учувчилари ўз қариндошлари билан мамлакат ҳарбий-ҳаво кучларининг самолётлари ва вертолётларида Ўзбекистонга қочиб кетишган.
Маҳаллий ОАВ Тошкентдаги расмийларга таяниб хабар қилишича, республика Афғонистонга ҳарбий самолётларни қайтаришни режалаштирмаяпти, чунки у АҚШ мулки ҳисобланади.
* ташкилот террорчилик фаолияти учун БМТ санкциялари остида