ТОШКЕНТ, 8 авг — Sputnik. Атом энергияси халқаро агентлиги (МАГАТЭ) раҳбари Рафаэль Гросси Запорожье атом электр станциясининг ўққа тутилишидан хавотир билдирди. Бу ҳақда агентлик шанба куни тегишли баёнот берди, деб хабар беради РИА Новости.
“Кечаги Европадаги энг йирик атом электр станциясининг ўққа тутилишидан жуда хавотирдаман, бу ядровий фалокатнинг ҳақиқий хавфини кўрсатмоқда”, деди Гросси баёнотида.
МАГАТЭ раҳбарининг сўзларига кўра, Запорожье атом электр станцияси хавфсизлигига таҳдид солувчи ҳарбий ҳаракатларни “мутлақо қабул қилиб бўлмайди ва ҳар қандай ҳолатда ҳам бунинг олдини олиш керак”.
Эслатиб ўтамиз, жума куни Украина қўшинлари Энергодардаги Запорожье атом электр станцияси ҳудудига артиллерия зарбаси берди, Россия Мудофаа вазирлиги маълумотларига кўра, улар жами йигирмата 152 мм снаряд отди.
Ушбу снарядлар натижасида сув қувурида ёнғин содир бўлиб, фавқулодда хизматлар уни тезда ўчиришга муваффақ бўлди. АЭСда 3-энергоблок ускунасининг бир қисми қувватсизлантирилди, 4-энергоблокнинг ишлаб чиқарилган қуввати камайтирилди.
Маълумот учун, Запорожье Атом Электр станцияси Европадаги энг йирик АЭС ҳисообланади. Унинг 6ғта энергоблоки 6000 МВт қувватга эга бўлиб, у Украина энергетика тизимининг 20%ини таъминлайди.