ТОШКЕНТ, 8 авг — Sputnik. Ўзбекистондаги ташкилотларнинг ахборот ва киберхавфсизлик ҳолати баҳоланди. Бу ҳақида Киберхавфсизлик маркази хабар берди.
Қайд этилишича, давлат ва хўжалик бошқаруви ҳамда маҳаллий давлат ҳокимияти органларида ахборот ва киберхавфсизликнинг таъминланганлик ҳолати 2022 йил 2-чораги якуний натижалари бўйича рейтинг баҳолаш ўтказилди.
Баҳолаш Киберхавфсизлик марказининг ахборот ва киберхавфсизлик мониторинги тизимидаги ташкилотлар томонидан тақдим этилган маълумотларга асосланган ҳолда олиб борилди.
Киберхавфсизлик бўйича ташкилотлар ТОП-10 талиги:
1.
Ўзбекистон Республикаси Адлия вазирлиги - 97.3 балл;2.
Ўзбекистон Республикаси Марказий банки - 97 балл;3.
Ўзбекистон Республикаси Давлат статистика қўмитаси - 95.2 балл;4.
Ўзбекистон Республикаси Давлат божхона қўмитаси - 95.1 балл;5.
Ўзсаноатқурилишбанк” акциядорлик тижорат банки - 95.1 балл;6.
Фарғона вилояти хокимлиги - 94.6 балл;7.
Ўзбекистон Республикаси Давлат активларини бошқариш агентлиги - 92.6 балл;8.
Навоий кон-металлургия комбинати - 92.3 балл;9.
Тошкент шаҳар хокимлиги - 91.9 балл;10.
Наманган вилояти хокимлиги - 91.7 балл.Эслатиб ўтамиз, апрель ойида президент томонидан “Киберхавфсизлик тўғрисида”ги қонун имзоланганди. Ҳужжатга кўра, давлат органлари ва ташкилотлари киберхавфсизликни таъминлаш мақсадида ваколатли давлат органидан кибертаҳдидлар, дастурий таъминотдаги, ускуналар ва технологиялардаги заифликлар тўғрисидаги ахборотни олиш ҳуқуқига эга.