ТОШКЕНТ, 1 авг — Sputnik. Россия Қуролли кучлари Харьковдаги "Украинские энергетические машини" заводи ҳудудида бўлган иккита Американинг HIMARS залп билан ўт очувчи реактив тизимларини йўқ қилишди. Бу ҳақда Россия Мудофаа вазирлигининг расмий вакили, генерал-лейтенант Игорь Конашенков маълум қилди.
“Россия Федерацияси Қуролли кучлари Украинадаги махсус ҳарбий операцияни давом эттиришмоқда. Юқори аниқликдаги зарба натидасида Харьков шаҳридаги “Украинские энергетические машини" заводи ҳудудидаги иккита Американинг HIMARS залп билан ўт очувчи реактив тизимлари яксон қилинди. Шунингдек, 53 нафар украиналик миллатчилар ва хорижий ёлланмалар йўқ қилинди”, - деди Конашенков.
Бундан ташқари, Одесса вилоятида “Harpoon” учириш қурилмаси яксон қилинган.
Аввалроқ Россия Мудофаа вазирлиги 5 июлдан 20 июлгача юқори аниқликдаги қурол билан Украинадаги 4 та HIMARS қурилмаси йўқ қилинганини хабар қилган эди.
Жорий йил 24 февралдан бери Россия Украинани денацификация ва демилитаризация қилиш бўйича махсус операция ўтказмоқда. Россия президенти Владимир Путин унинг вазифаси саккиз йил давомида Киев расмийлари томонидан зўравонлик ва геноцидга учраган одамларни ҳимоя қилиш деб атаган. Путиннинг сўзларига кўра, якуний мақсад Донбассни озод қилиш ва Россия хавфсизлигини кафолатлайдиган шарт-шароитларни яратишдир.