ТОШКЕНТ, 28 июл — Sputnik. 29 июль — 7 август кунлари Тошкентда Food Fest-2022 гастрономик фестивали ўтказилиши туфайли қатор йўллар автотранспорт ҳаракати учун ёпилади. Бу ҳақда пойтахт ҳокимлиги матбуот хизмати хабар берди.
Қуйидаги кўчаларда транспорт ҳаракати чекланади:
Истиқлол кўчаси — Буюк Турон кўчасидан Hyatt Regency меҳмонхонасигача бўлган қисмида;
Зарафшон кўчаси — Истиқлол кўчасидан ва Мустақиллик шоҳ кўчасигача бўлган қисмида;
Жавоҳирлал Неру кўчаси — Мустақиллик шоҳ кўчасидан Зарафшон кўчасигача бўлган қисмида.
Ёпиладиган йўллар
© Фото: Тошкент шаҳар ҳокимлиги матбуот хизмати
Эслатиб ўтамиз, фестиваль июнь ойида бўлиб ўтиши режалаштирилган эди. Ҳокимлик июль-август ойларида Тошкентга хорижлик сайёҳлар оқими кўпайиши кутилаётганлиги сабабли унинг ўтказилиши бир ойга кечиктирилишини маълум қилган эди.