ТОШКЕНТ, 24 июл – Sputnik. Бирлашган Араб Амирликларининг "Шаржа" ярим ҳимоячиси ўзбекистонлик Отабек Шукуров фаолиятини Туркия чемпионатида давом эттириши кутилмоқда.
Қайд этилишича, "Шаржа" ўзбекистонлик футболчига Туркиянинг “Fatih Karagümrük” клуби сафида тиббий кўрикдан ўтиш ва музокара ўтказишга рухсат берган. Шукуров тиббий кўрикдан муваффақиятли ўтса, уч томонлама шартнома расмийлаштирилади.
Истанбулнинг “Fatih Karagümrük” клуби бош мураббийи Андреа Пирло ҳисобланади. Жамоа Туркия чемпионатининг ўтган мавсумида 8-ўринни банд этган.
Истанбулнинг “Fatih Karagümrük” клуби бош мураббийи Андреа Пирло ҳисобланади. Жамоа Туркия чемпионатининг ўтган мавсумида 8-ўринни банд этган.
Шукуров 2017 йилдан буён шаржаликлар сафида тўп суриб келаётганди. Унга қадар футболчи “Машъал”, “Бухоро” ва “Бунёдкор” жамоалари шарафини ҳимоя қилган.