Баъзи турдаги пишириқлар саратон касаллигини келтириб чиқариши мумкин, дейди рационал овқатланиш бўйича мутахассис Иван Алименко. Бу ҳақида Sputnik радиоси маълум қилди.
Пишириқларни харид қилаётганда маҳсулот таркибига эътибор бериш керак. Мутахассиснинг сўзларига кўра, баъзи турдаги пишириқлар таркибида сифатсиз ва зарарли ёғлар кўп.
“Қатламали хамир таркибида сифатсиз ёғлар бўлади. Асосан, бу маргарин ва сариёғ аралашмаси, ёки таркибида энг кўп трансёғлар бўлган сифатсиз маргарин бўлиши мумкин. Шу билан бирга иссиқлик билан ишлов берилган ёғлар кимёвий даражада деформацияга учрайди ва саломатлик учун хавфга айланади”, - дейди Иван Алименко.
Сифатсиз ёғлардан тайёрланган маҳсулотларини истеъмол қилиш семизлик, қандли диабет, юқори қон босими, атеросклероз, холестерин кўпайиши ва тромблар ёрилишига олиб келади.
Буни олдини олиш учун мутахассис энг оддий таркибга эга ҳамирли маҳсулотларни харид қилишни тавсия қилди.
“Яхшиси, фақатгина ун ва сувдан тайёрланган хамир олган маъқул. Бу багетлар, батонлар, оддий булочкалар, лаваш хамири бўлиши мумкин”.
Экспертнинг қўшимча қилишича, севимли таомлардан бутунлай воз кечиш керак эмас, шунчаки меъёрга амал қилиш етарли.