Шифокор-невролог Павел Хорошевнинг айтишича, мигренга мойиллиги бўлган инсонлар бир қанча севимли маҳсулотлардан воз кечиши керак. Улар орасида шоколад, қаҳва ҳам бор.
“Мигрендан азият чекаётган инсонлар спиртли ичимликлар истеъмол қилишдан тийилиши керак. Айниқса, қизил винодан сўнг кучли оғриқ пайдо бўлади. Шунингдек, таркибида кофеин бўлган барча ичимликлар: чой, энергетик, қаҳва, ҳамда пишлоқ, шоколад энг кучли бош оғриқ қўзғатувчилари ҳисобланади”,- дейди эксперт.
Баъзи инсонлар ёғли гўшт ҳам бош оғриғига сабаб бўлади деб ҳисоблашади. Бироқ, доим шундай бўлавермайди.
“Агар бош оғриғи жуда кучли бўлса, вегетарианча парҳез қилиш мумкин. Тадқиқотлар бундай парҳезнинг чиндан ҳам яхши таъсир қилишини тасдиқлайди. Аммо, ёғли гўшт оғриқни қўзғатувчи кучли омиллардан эмас”, - дейди шифокор.