ТОШКЕНТ, 15 июл — Sputnik. Шри-Ланка парламенти спикери Маҳинда Япа Абеивардена президент Готабай Ражапакса ўз лавозимини тарк этганини расман тасдиқлади. Бу ҳақда Шри-Ланканинг Adaderana ахборот порталига таяниб, “РИА Новости” хабар бермоқда.
Спикер ўз қароргоҳида бўлиб ўтган матбуот брифингида бу ҳақда расмий баёнот берган.
“14 июль куни Готабай Ражапакса Шри-Ланка президенти лавозимидан расман истеъфога чиқди”, дейилади хабарда.
Эслатиб ўтамиз, аввалроқ Шри-Ланкада норозилик намойишлари ортидан президент Готабая Ражапакса истеъфога чиқиб мамлакатни тарк этганди. Шундан сўнг, Бош вазир Ранил Викрамасингхе давлат раҳбари ваколатларига эга бўлди. Мамлакатда давом этаётган норозилик намойишлари фавқулодда ҳолат жорий этишга олиб келди.