ТОШКЕНТ, 13 июл — Sputnik. Махсус иқтисодий зоналарнинг иштирокчиларига фойда солиғи бўйича имтиёз бериш муддатлари белгиланди. Президент имзолаган ЎРҚ–783-сонли қонун билан Солиқ кодексига қўшимчалар киритилди.
Унга кўра, махсус иқтисодий зоналарнинг иштирокчиларига фойда солиғи бўйича имтиёз бериш муддатлари белгиланди.
Имтиёз муддати инвестиция ҳажмига қараб қуйидагича этиб берлгиланди:
3 млн доллардан – 5 млн долларгача инвестиция учун – 3 йил;
5 млн доллардан – 15 млн долларгача инвестиция учун – 5 йил;
15 млн доллар ва ундан кўп инвестициялар учун –10 йил муддатга фойда солиғидан озод қилинади.
Мазкур муддатлар ишлаб чиқариш объекти фойдаланишга қабул қилинган санадан ҳисобланади.