ТОШКЕНТ, 9 июл — Sputnik. Ўзбекистон ва Қирғизистон делегациялари ишчи гуруҳлари икки давлат чегарасини демаркация қилиш бўйича ташкилий-ҳуқуқий масалаларни келишиш мақсадида навбатдаги йиғилиш ўтказди.
Встреча делегаций Узбекистана и Кыргызстана по вопросу демаркации границы.
Бу ҳақда Sputnik Қирғизистон мамлакат Вазирлар Маҳкамаси матбуот хизматига таяниб хабар берди.
Учрашув 4-8 июл кунлари Андижон шаҳрида “дўстлик ва ўзаро ҳамжиҳатлик муҳитида” бўлиб ўтди. Натижада протокол имзоланди.
"Томонлар қирғиз-ўзбек давлат чегарасини демаркация қилиш жараёнини тартибга солувчи ҳуқуқий ва техник ҳужжатлар лойиҳаларини тайёрлади. Тадбир якунлари бўйича протокол имзоланди", — дейилган баёнотда.
Шунингдек, матбуот хизмати навбатдаги йиғилиш Қирғизистон Республикаси ҳудудида ўтказилишини маълум қилди.