ТОШКЕНТ, 9 июл — Sputnik. Москва футбол клуби Ўзбекистон миллий терма жамоаси ярим ҳимоячиси билан шартнома имзолади.
21 ёшли Ҳожимат Эркинов “Торпедо”га “Пахтакор” клубидан ўтди. Шартнома уч йилга имзоланди. Трансфер суммаси ошкор қилинмади.
Эркинов “Пахтакор” сафида 60та ўйин ўтказиб, 10та гол урди ва 7та голли узатмани амалга оширди.
У Ўзбекистон терма жамоаси сафида ҳам 11 та ўйин ўтказди.