ТОШКЕНТ, 4 июл – Sputnik. Мисрнинг Хургада курортида акула яна бир сайёҳга ҳужум қилди. Бу ҳақда РИА Новости хабар берди.
Миср атроф-муҳитни муҳофаза қилиш вазирлиги Хургада ҳудудида акула ҳужумининг яна бир қурбони ҳақида маълумот берди. Айтилишича, ҳозирда экспертлар акула хатти-ҳаракати сабабларини аниқлаш учун маълумот йиғишмоқда.
Атроф-муҳитни муҳофаза қилиш вазири Ясмин Фуад Хургададаги Сахл-Хашиш курорти ҳудудида сузаётган икки аёлга акула ҳужум қилгани ҳақидаги маълумотни олганидан сўнг дарҳол Қизил денгиз қўриқхоналари мутахассисларидан иборат ишчи гуруҳ тузишни топширди”, дейилади хабарда.
Бу воқеа юзасидан Миср расмийларининг биринчи расмий изоҳидир.
Вазирлик ўз изоҳида икки қурбоннинг оилаларига ҳамдардлик билдирди.
Ўз навбатида, Қизил денгиз провинцияси губернатори воқеа содир бўлган денгиз ҳудудида ҳар қандай фаолиятни тақиқлашни буюрди.
Маълумот учун, Миср ОАВда сўнгги бир неча йил ичида катта оқ акулалар фаолияти ҳақида ҳеч қандай маълумот қайд этилмаган эди.
2010 йилнинг декабрь ойида Шарм ал-Шайх курорт шаҳри яқинида дам олувчиларга акула томонидан беш марта ҳужум бўлган. Унда Германия фуқароси ҳалок бўлиб, тўрт сайёҳ- уч нафар Россия ва бир нафар Украина фуқароси яраланган. Ушбу ҳужумлар туфайли расмийлар бир муддат дам олиш маскани пляжларини ёпишга мажбур бўлганди.
Эслатиб ўтамиз, Хургада курортида акула сайёҳга ҳужум қилганидан сўнг, уч кун давомида Саҳл Ҳашиш ҳудудидан Макади кўрфазига сузиш, шўнғин, сувда сузиш ва балиқ овлаш тақиқланди.