ТОШКЕНТ, 28 июн — Sputnik. Бугун “Бунёдкор” футбол академиясига Азизбек Ҳайдаров директор этиб тайинланди. Бу ҳақда ЎзА хабар берди.
Азизбек Ҳайдаров 1985 йил 8 июлда Тошкентда туғилган. У ўзбек профессионал футболчиси. Фаолияти давомида “Локомотив” клуби ярим ҳимоячиси бўлган.
2007 йилдан бери (2015 йил 31 март ҳолатига кўра) Ҳайдаров Ўзбекистон миллий терма жамоаси сафида 67 та ўйин ўтказган, жумладан, 2010 йилги футбол бўйича Жаҳон чемпионати саралаш босқичидаги 6 та ўйин.
У 2007 йилда Ўзбекистон олимпия терма жамоаси сардори бўлган. Ҳайдаров Ўзбекистон миллий терма жамоаси сафида 2011 йилги Осиё кубоги гуруҳ босқичида Қувайтга қарши ўйинда гол урган эди.