ТОШКЕНТ, 25 июн - Sputnik. АҚШ бошчилигидаги альянс Россияга қарши санкциялар оқибатида умидсизлик ва азоб-уқубатларга дуч келмоқда, деб ёзади The New York Times газетаси шарҳловчилари Майкл Кроули ва Эдвард Вонг.
“Владимир Путин Украина билан урушда муваффақиятга эришмоқда, АҚШ ва унинг иттифоқчилари эса энергия нархи ошиши билан курашмоқда”, дейилади мақолада.
Газета шарҳловчилари қуйидаги аниқ фактларни таъкидлашмоқда:
Байден март ойида санкциялар “Россия иқтисодиётини тилка-пора қилаётганини ва “рубль қулаётганини" айтиб мақтанган эди,
️Аммо нефть нархи ошгани сайин Россия нефть даромадлари рекорд даражага етмоқда,
️Рубль февраль ойида тушганидан сўнг, долларга нисбатан сўнгги 7 йил ичида қайд этилгн энг юқори қийматига етди.
Байден расмийларининг айтишича, Россия иқтисодиёти шунга қарамай, вақт ўтиши билан ортиб борувчи зарар кўрмоқда.
Аммо қайси томонда кўпроқ вақт борлиги аниқ эмас. Украина ҳукумати ҳар куни 200 аскарини йўқотаётганини ва Россиянинг молиявий тизими бир неча ҳафта давом этган “ажотаждан”дан кейин нормал ҳолатга қайтган.
Ғарб санкциялари
Россия Украинани демилитаризация ва денацификация
қилиш бўйича махсус операцияни эълон қилганидан сўнг АҚШ бошчилигидаги Ғарб давлатлари Москвага нисбатан санкциялар босимини кескин кучайтирди. Чеклов чоралар биринчи навбатда банк сектори ва юқори технологияли маҳсулотлар етказиб беришга қаратилган. Кўплаб брендлар Россиядан чиқиб кетишди. Россиянинг хориждаги активлари музлатилди.
Кремль ушбу бу чораларни мисли кўрилмаган иқтисодий уруш деб атади, лекин воқеаларнинг бундай ривожланишига тайёр эканини билдирди.
Россия банки валюта бозорини барқарорлаштирди, дўст бўлмаган мамлакатларга газни рублда сотиш эълон қилинди.