ТОШКЕНТ, 15 июн - Sputnik. Россия ўз миллий манфаатларини ҳимоя қилиш бўйича ташқи таҳдидларга қарши амалга ошираётган ҳаракатлари қонунийдир, деди ХХР раиси Си Цзинпин Владимир Путин билан телефон суҳбатида. Кремль матбуот хизмати хабарига асосан.
Хабарда қайд этилишига кўра, Россия президенти суҳбатдошига “Украинадаги вазият ва махсус ҳарбий операция доирасида ҳал этилаётган вазифалар борасида принципиал баҳо” берган.
Россия ва Хитой раҳбарлари икки давлат муносабатлари мисли кўрилмаган юксак даражага кўтарилганини ва доимий равишда яхшиланиб бораётганини қайд этишган.
Шунингдек, раҳбарлар давлатлараро савдо-сотиқнинг бу йилги ҳажми рекорд даражада бўлиши кутилаётганини ҳам айтиб ўтишди ва энергетика, молия, саноат ва тарснпорт соҳаларида ҳамкорликни кенгайтиришга келишиб олишди.
Ундан ташқари Путин ва Си ҳарбий ва ҳарбий-техник алоқаларни ривожлантириш борасида ҳам келишиб олишган.
“Жаҳон миқёсидаги вазият муҳокама қилинар экан, Россия ва Хитой, аввалигидек, халқаро ҳуқуқининг асосий тамойилларига амал қилиш, халқаро муносабатларнинг - кўп қутбли ва адолатли тизимини яратиш тарафдори эканини яна бир бор қайд этишди", - дейилган хабарда.
Хитой раҳбари мамлакатлар ўртасидаги товар айирбошлаш, хусусан, Благовешченск-Хейхе кўпригида ҳаракат бошлангани туфайли ўсиб бораётганини таъкидлади.