ТОШКЕНТ, 12 июн — Sputnik. Бухоро шаҳрида 12 июнь куни сув қувурдаги носозлик бартараф этилиб, ичимлик суви таъминоти тўлиқ тикланди. Бу ҳақда Бухоро вилояти ҳокимлиги матбуот хизмати хабар бермоқда.
Кеча, 11 июнь куни, Бухоро шаҳри Пиридастгир кўчасидан ўтувчи марказий ичимлик суви қувурида носозлик юзага келгани туфайли шаҳар аҳолисининг ичимлик суви таъминоти вақтинча тўхтатилган эди.
Бухоро шаҳрида ичимлик суви таъминоти тўлиқ тикланди
© Фото: Бухоро вилояти ҳокимлиги матбуот хизмати
"Бухоро сув таъминоти" МЧЖ мутахассислари авария-тиклаш ишларини олиб боришган ва натижада яроқсиз ҳолга келиб қолган шиша толали ҳобус диаметри 700 миллиметр бўлган пўлат қувурга алмаштирилган.
Бухоро шаҳрида ичимлик суви таъминоти тўлиқ тикланди
© Фото: Бухоро вилояти ҳокимлиги матбуот хизмати
“Таъмирлаш ишлари якунланиб, айни пайтда Бухоро шаҳрининг барча ҳудудларида ичимлик суви таъминоти тўлиқ қайта тикланди”, - дейилган хабарда.