ТОШКЕНТ, 7 июн — Sputnik. Херсон вилояти ҳудудида биринчи Россия банки иш бошлади. Бу ҳақда вилоят ҳарбий-фуқаролик маъмурияти раҳбари ўринбосари Кирилл Стремоусов маълум қилди.
Шу билан бирга у банк ҳозир тажриба тариқасида ишлаётганига аниқлик киритиб ўтди ва қайси банк эканини очиқламади.
“Ҳозир барча банк тизими шаклланиш жараёнида, бу вақт масаласи, бироқ ҳаммаси тез бажарилмоқда. Ўйлайманки, яқин бир-бир ярим ой ичида одамлар ўз ҳисобларини очишлари мумкин”, - деди Стремоусов. Унинг сўзларидан РИА Новости иқтибос келтирган.
Вилоят ҳарбий-фуқаролик маъмурияти раҳбари ўринбосарининг сўзларига кўра, Украина ҳарбийларининг ўзи алоқага шикаст етказганлиги сабаб Украина банклари Херсон вилояти ҳудудида энди ишламайди.
Эслатиб ўтамиз, махсус ҳарбий операция давомида Россия ҳарбийлари Украина жанубидаги Херсон ва Запорожье вилоятининг Азов қисмини назорат остига олди. Ҳудудларда ҳарбий-фуқаролик бошқаруви тузилди, Россия телеканаллари ва радиостанциялари эфирга чиқа бошлади, Қрим билан савдо алоқалари тикланмоқда.