ТОШКЕНТ, 2 июн - Sputnik. Агар Украина АҚШ томонидан тақдим этилган ракета тизимларидан Россия ҳудудига зарба бериш учун фойдаланса, Россия УҚК қарор қабул қилиш марказларини яксон қилинишини айтди. Бу ҳақида Россия Хавфсизлик кенгаши раиси ўринбосари Дмитрий Медведев Ал-Жазира телеканалига берган интервьюсида маълум қилди.
Медведев, хусусан, Украина Мудофаа вазирлиги ва Бош штабигани назарда тутаётганини тушунтирди.
"Бу ҳолатда якуний қарор қабул қилиш марказлари, афсуски, ҳатто Киев ҳудудида ҳам эмас, буни сиз ҳам яхши тушунасиз. Шунинг учун бу, албатта, эътиборга олиниши керак бўлган таҳдид", - дея қўшимча қилди Медведев.
Бир кун аввал АҚШ Мудофаа вазири ўринбосари Колин Кал АҚШнинг Украинага ҳарбий ёрдамининг янги пакети ўтказилган ускунада 80 километргача бўлган масофадаги нишонларга зарба бера оладиган тўртта замонавий HIMARS ракета тизимини ўз ичига олганини айтди.
Вашингтон Украина ҳукуматидан Россиядаги нишонларга зарба бериш учун HIMARSдан фойдаланмасликка ваъда берганини айтди. Владимир Зеленский бундай келишув мавжудлигини ошкора тасдиқлади.
Шу билан бирга, Олий Рада депутати Егор Чернев Россия объектларини ўққа тутишга рухсат берди ва АҚШнинг Киевдаги элчиси Бриджит Бринк Вашингтон Украинага этказиб бериладиган HIMARS қурилмаларининг ўқ отиш масофасини тартибга солмаслигини айтди.