ТОШКЕНТ, 1 июн - Sputnik. Россия Қуролли кучларининг "Ураган" ёппасига ўт очиш реактив тизими, "Орлан" учувчисиз аппарати ёрдамида Украина армиясининг яширинган техникасини йўқ қилди, деб хабар қилмоқда РИА Новости.
Мудофаа вазирлиги эълон қилган видеолавҳада, "Орлан" учувчисиз аппаратининг учирилиши, "Ураган" тизимларининг ўт очишга тайёрланиши, ўт очиши ва ракеталарнинг Украина қўшинлари позициясига зарба бериши акс этган.
Вазирлик хабарига кўра, 220-миллиметрли реактив ёппасига ўт очиш тизими, "Орлан-10" учувчисиз аппаратидан олган нишоннинг координаталарига асосланиб Украина бронетехникаси ва мустаҳкамланган таянч пунктларига зарба берган.
Зарба натиджасида душманнинг зирҳли техникаси, истеҳкомлари ва тирик жони йўқ қилинган. Вазифа бажарилганидан сўнг, ўт очиш бўлинмаси ўз жойини ўзгартирган.