ТОШКЕНТ, 1 июн — Sputnik. 1 июндан бошлаб Тошкент метросининг 15 та бекати тонги соат 05:00 дан тунги соат 00:00 га қадар ишлайди. Бу ҳақда пойтахт метрополитени хабар берди.
Ҳамид Олимжон, Пушкин, Мирзо Улуғбек, Ойбек, Беруний, Абдулла Қодирий, “Новза”, “Тошкент”, “Космонавтлар”, “Чорсу”, “Тинчлик”, “Туркистон”, “Шаҳристон”, “Бодомзор” ҳамда “Минор” метро бекатларининг иккинчи вестибюли тонгги соат 05:00 дан тунги соат 00:00 га қадар йўловчиларга хизмат кўрсатишни бошлайди.
Таъкидланишича, бундай тартиб метро йўловчиларига қулайлик яратиш ва хизмат кўрсатиш сифатини янада ошириш мақсадида йўлга қўйилмоқда.
Бу кунга қадар бу бекатларнинг иккинчи вестибюли соат 07:00 дан 19:00 га қадар йўловчиларга хизмат кўрсатган.