Минглаб яксон қилинган жанговар техника ва ўн минглаб “демилитаризация” қилинган Киев режими ҳимоячилари Украина Қуролли Кучлари қаршилигини сифат жиҳатдан ўзгартирди - мудофаа буйруқлари нима қилишни билмайди, мажбурий сафарбар қилинган “фольксштурм” (миллий ҳимоя кўнгилли бўлинмалари) олдинги чизиқда ғарбга чекинишга тайёрлигини билдириб норозилик кўрсатмоқда, Украинанинг бутун “шарқий фронти” ҳозирги вазиятда сўнгги кунларини бошидан кечирмоқда.
23 май куни Россиянинг Донбассдаги ҳужуми бир вақтнинг ўзида Попасна ҳудудидаги бир нечта муҳим ҳудудларда Украина мудофаасини ёриб ўтди. Балаклея жанубида, Авдеевка, Северодонецк, Лисичанск ва Лиман туманларида “Кичик қозон” (қуршов) шаклланмоқда. Бахмут - Лисичанск муҳим транспорт магистрали тўсиб қўйилди. Украина Қуролли Кучларининг мудофааси Марьинка ва Пескида ҳам таслим бўлмоқда (ушбу аҳоли пунктларидаги мустаҳкамланган ҳудудлар узоқ вақт давомида Донецкнинг аҳоли пунктларига артиллерия зарбалари бериш билан шуғулланиб келган).
Душманнинг катта гуруҳи Северодонецк ва Лисичанскда тактик қуршовга олинган. Россия қўшинлари ва ЛХР халқ милицияси шаҳар атрофи ва турар-жой ҳудудларини Украина қуролли тузилмаларидан бирма-бир тозаламоқда. Авдеевка, Северодонецк ва Лисичанск гарнизонлари “Мариуполь ҳимоячилари” тақдирини такрорлаши мумкин - бу ердаги “қозонларга” Украина Қуролли Кучларининг 50 мингга яқин тушиши мумкин.
Украина фронтининг таслим бўлиши алоқа ва таъминот тизимларини услубий йўқ қилишни тезлаштиради. Душман сафларида ваҳима кайфияти ҳукм сурмоқда. Украина Қуролли Кучлари бўлинмалари ўзбошимчалик билан ўз позицияларини тарк эта бошладилар. 23-май куни Лиман яқинида 500 дан ортиқ украиналик аскарлар таслим бўлди. Президент Владимир Зеленский ва Олий Бош Қўмондон Валерий Залужнийга жамоавий мурожаатлар мунтазам равишда эълон қилинмоқда. Жамоавий мурожаатларда Украина Қуролли Кучлари аскарлари қўмондонлик, оғир техника, мустаҳкамлаш йўқлиги ҳақида гапиришмоқда ва жанговар топшириқларни бажаришдан бош тортишмоқда.
Раҳбарият эса турлича муосабат билдирмоқда. Украина Бош штаби фронтда содир бўлаётган воқеалар ҳақида тизимли равишда дезинформация тарқатиш билан шуғулланмоқда. Масалан, Бош штаб Лиманский йўналишида жанглар йўқлигини эълон қилди ва президентдан ғарбга чекиниш тўғрисида мустақил қарор қабул қилиш ҳуқуқини сўради.
Президент девони Олий Радада ҳарбий хизматчиларни (командирлар томонидан), дезертирлик, уни судсиз ва терговсиз қатл қилишгача бўлган ва буйруқни бажаришдан бош тортганлик учун жазони кучайтирувчи қонун лойиҳасини ишлаб чиқди. Қонун лойиҳаси разведка, миллий хавфсизлик ва мудофаа масалалари бўйича профил қўмитасида муҳокамадан ўтишга ҳам улгурди. Украина Жиноят кодексига кўра, дезертирлик 12 йилгача озодликдан маҳрум қилиш билан жазоланади.
“Украина лойиҳа”сининг ғарбий кураторлари кўрсатмаси билан Зеленский Украина Қуролли Кучларидан сўнгги нафасга қадар туришни талаб қилади ва фронтга “фольксштурм” жўнатади яъни жанговар вазиятда деярли фойдасиз бўлган фуқароларни мажбуран сафарбар қилади. Украина Қуролли Кучларининг йўқотишлари ортиб бормоқда, Россиянинг ҳужуми Киев режими учун ҳалокатли бўляпти.
Ғарбнинг маккор ёрдами
23 май куни Россиянинг денгизга асосланган узоқ масофали юқори аниқликдаги ракеталари Житомир вилоятидаги Малин темир йўл станцияси яқинида Украина қўшинлари ва Ғарб ҳарбий техникаси жамланган жойга зарба берди. Украина Қуролли кучларининг ҳарбий объектларига ракета, артиллерия ва бомбали зарбалар 90 кун давомида кетма-кет амалга оширилмоқда.
Ҳарбий техника тақчиллиги Украина аскарларини фуқаролик транспортига ўтишга мажбур қилмоқда. Олий Рада 12 май куни Россия махсус операциясини қўллаб-қувватлаган Украина фуқароларининг мулкини мусодара қилиш тўғрисидаги қонунни қабул қилишга мажбур бўлди.
НАТО давлатларининг Украина ҳудудидаги қурол-яроғлари “шарқий фронтга” деярли етиб бормайди - Россиянинг омборлар ва темир йўл туташ станцияларига ракета ҳужумлари Ғарб ёрдамини мунтазам чиппакка чиқармоқда. Сўнгги 24 соат ичида юқори аниқликдаги ҳаводан учирилган ракеталар Минковка, Бахмут, Николаевка, Спорное ва Қизил Лиман ҳудудларидаги олтита ўқ-дорилар омборига, шу жумладан Раздоловкадаги Американинг М-777 гаубицалари учун 155 мм снарядлардан иборат катта арсеналга зарба берди.
Америка ёрдамининг самарадорлигини бўрттириб кўрсатиб бўлмайди. АҚШ президенти Жозеф Байден Украинага 40 миллиард доллар ажратиш тўғрисидаги қонунни имзолади. Бироқ Давлат Думаси спикери Вячеслав Володиннинг айтишича, бу маблағнинг 35% и Пентагонни молиялаштиришга йўналтирилади, 45,2% “бошқа давлатлар”га сарфланади, 4,8% қочқинларга ёрдам бериш ва АҚШнинг Украинадаги элчихонасини қайта очиш учун тақдим этилади. Ўз навбатига Украина Қуролли Кучларига тўғридан-тўғри 15% ёки 6 миллиард доллар қолади.
Эҳтимол, бу қишгача етар. Лекин, Украина қарз ва фоизларни тўлиқ миқдорда (40 миллиард доллар) қайтаришлари керак. Америка бизнесининг қоидалари шунақа. Таъкидлаш жоиз, аввалроқ АҚШ ва Европа Иттифоқи томонидан ажратилган миллиардлаб доллар ва евролар Киев режимига ёрдам бермади, фақат ҳалок бўлган украиналик ҳарбийлар сонини кўпайтирди.
НАТОнинг Украинани Польшага икки томонлама келишувлари билан “интеграциялаш”га қилаётган иккиюзламачи уринишлари ҳам яхши оқибатларга олиб келмайди. 23 май куни Россиянинг Польшадан келган бўлинмалар ва қурол-яроғлар ҳақидаги маълумотлар фонида Павлограддаги ҳарбий объектга (Донбассдаги Украина Қуролли кучларини таъминловчи энг муҳим транспорт маркази) ракета ҳужуми бунинг далилидир.
ОАВ маълумотларига кўра, саккизта “Рапира” танкга қарши қуроллари бўлган Америка зирҳли машиналаридаги польшалик пиёда аскарлар бўлган иккита батальон “шарқий фронтга” етиб бормаган.
Унутмаслик керакки, Россия Қуролли Кучлари технологик, тактик ва стратегик жиҳатдан НАТОни нафақат Украина ҳудудида, балки бошқа ҳудудларни ҳам демилитаризация қилишга тайёр. (Бунда Варшава бошқаларга қараганда кўпроқ хавф остида).
24 февралдан бери уч ой ичида Россия қўшинлари: 178 та самолёт, 125 та вертолёт, 995 та учувчисиз учиш аппарати, 320 та зенит-ракета комплекси, 3243 та танк ва бошқа зирҳли жанговар техника, 425 та залп оловли ракета реактив тизимлари, 1658 та ракета ва артиллерияни, шунингдек, Украина Қуролли Кучларининг 3124 та автомобилини йўқ қилди.
Бу рақамларда юзлаб Ғарб қуроллари ҳам кўрсатилган. Ва бугун Россия Мудофаа вазири Сергей Шойгу Украинадаги махсус операция Россияга қарши санкциялар ва АҚШнинг Киев режимига ҳарбий ёрдам кўрсатишига қарамай, вазифалар тўлиқ бажарилмагунча (демилитаризация ва денацификация) давом этишини тасдиқлади.
Коллектив Ғарб ҳеч қачон шартларини Россияга ўтказа олмайди. АҚШ ва НАТО учун идеал сценарий Украинадаги можаронинг муттасил давом этиб туришидир.
Украина Қуролли Кучларининг қаршилиги бефойда ва самарасиз, қўғирчоқ Киев режими эса украин халқига душманларча муносабатда бўлмоқда. Россия Федерацияси Мудофаа вазирлиги Украина армиясида ҳалок бўлганларнинг умумий сонини 50 минг кишига яқин деб баҳоламоқда. “Террористик мудофаа” жангчилари, чет эллик ёлланма аскарларни эса ҳеч ким ҳисобламайди. Бедарак йўқолганларнинг сони номаълум. Украина армиясининг қолган аскарларини (ҳудуди ва давлатчилигини ҳам) фақат Украина Қуролли Кучлари ҳарбий хизматчиларининг оммавий таслим бўлиши билан сақлаб қолиш мумкин.