ТОШКЕНТ, 24 май — Sputnik. Луганск халқ республикаси (ЛХР) жангчилари учун НАТО қуролларини қўлга киритиш ва ундан фойдаланиш одатий ҳолга айланди, деб хабар бермоқда РИА Новости мухбири.
Хусусан, уларда бир марта ишлатиладиган Американинг М72А5танкка қарши гранатомётлари бор. Ҳарбийлар улардан белгиланган мақсадда фойдаланишмоқда.
Россия аввалроқ ҳамма мамлакатларга, жумладан, АҚШга Украинага қурол-яроғ етказиб бераётгани сабаб нота йўллаганди. Россия ТИВ раҳбари Сергей Лавров Украина учун қурол ортилган ҳар қандай юк Россиянинг қонуний нишонига айланишини таъкидлаганди. Россия ТИВ НАТО мамлакатлари Украинага қурол-яроғ етказиб бериб, “олов билан ўйнашаётганлари” ҳақида огоҳлантирган.
Россия махсус операцияси
Россия 24 февраль куни Украинада махсус ҳарбий операция бошлаган эди. Владимир Путин ушбу операция мақсади "ДХР ва ЛХР фуқароларини Киев режими томонидан саккиз йил давомида амалга оширилаётган таҳқирланиш ва геноциддан қутқариш ва ҳимоя қилиш" деб атаган. Операция мақсади - “Украинани демилитаризация ва денацификация” қилиш.