ТОШКЕНТ, 18 май — Sputnik. Ўзбекистон Давлат хавфсизлик хизмати раиси Абдусалом Азизов Қирғизистон Давлат миллий хавфсизлик қўмитаси раиси Қамчибек Ташиев билан бирга вертолётда қирғиз—ўзбек чегарасининг белгиланмаган қисмини кўздан кечирди. Бу ҳақда Қирғизистон ДМХҚ матбуот хизмати хабар бермоқда.
Икки давлат махсус хизматлари раҳбарлари учрашуви ва чегарани вертолётда кўздан кечиришлари Қирғизистоннинг Жалолобод вилояти Ола-буқа туманидаги Гавасой ҳудудида бўлиб ўтган.
Таъкидланишича, Абдусалом Азизов ва Қамчибек Ташиев учрашув давомида турли масалалар бўйича фикр алмашган ва тегишли қарор қабул қилган.