Умрни озиқ-овқат маҳсулотлари ёрдамида узайтириш мумкин. Бунинг учун майонез ва маргаринни зайтун ёғига алмаштириш керак холос. Бу ҳақида кардиологлар, Гарвард тиббиёт факультети вакиллари Америка кардиология коллежи журналига маълум қилди.
Юрак-қон томир касалликларининг келиб чиқишида озиқ-овқат маҳсулотларининг аҳамияти бўйича ўтказилган тадқиқотда 90 мингдан ортиқ кўнгиллилар иштирок этган.
Аниқланишича, 10 гр маргарин, майонез ёки сариёғни худди шу миқдордаги зайтун ёғига алмаштирилса, юрак-қон томир касалликларининг келиб чиқиш хавфи камаяди.
Гарвард олимларининг маълумот беришича, зайтун ёғини тез-тез истеъмол қилиш юрак-қон томир касалликларидан келиб чиқадиган ўлим ҳолатларини 19%га камайтиради.
Шунингдек, зайтун ёғи саратон касаллиги келиб чиқиш хавфини 17%га камайтиради.