ТОШКЕНТ, 12 май — Sputnik. Ўзбекистон президенти Шавкат Мирзиёев ҳудудлар ривожи билан танишиш мақсадида 12 май куни Фарғона вилоятига жўнаб кетди.
Сафар давомида борилиши режалаштирилган жойлар кўп ва хилма-хил. Жумладан, қишлоқ хўжалиги, ҳунармандчилик, тўқимачилик тармоқларидаги корхоналар фаолияти билан танишиш, бунёдкорлик ишларини кўздан кечириш мўлжалланган.
Давлат раҳбари матбуот котиби Шерзод Асадовнинг аниқлик киритишича, президентнинг вилоятга сафари икки кун, 12-13 май кунлари давом этади.