ТОШКЕНТ, 7 май — Sputnik. Ўзбекистонда истеъмолчиларга йил бошидан буён қайтарилган кэшбэк миқдори 72,3 млрд сўмга етди. Бу ҳақда Давлат солиқ қўмитаси матбуот хизмати хабар бермоқда.
“29 апрелдан 6 майга қадар ўтказилган ўрганиш натижаларидан келиб чиқиб, январь–март ойлари учун истеъмолчиларга яна 4,2 млрд сўм кешбэк тўлаб берилди”, - дейилган хабарда.
Натижада йил бошидан буён истеъмолчиларга тўланган сумма 72,3 млрд сўмга етган.
2022 йил 1 январдан бошлаб чакана савдо, умумий овқатланиш ва аҳолига маиший хизмат кўрсатиш объектларида харид қилиб, харид чекини мобил иловада рўйхатдан ўтказган жисмоний шахсларга ой якуни билан харид суммасининг 1 фоизи қайтарилади.
Бунинг учун истеъмолчилар харид чекининг QR-кодини "Солиқ" мобил иловасида сканерлаш орқали рўйхатдан ўтказишлари лозим.