ТОШКЕНТ, 28 апр — Sputnik. Ўзбекистон мамлакатда “Татнефть” ёқилғи қуйиш шохобчалари тармоғини кенгайтиришни режалаштирмоқда.
Ўзбекистон энергетика вазирининг биринчи ўринбосари Азим Ахмедхаджаев Тошкентда Татаристон бош вазири ўринбосари – саноат ва савдо вазири Альберт Каримов билан ҳамкорликни кенгайтириш масаларини муҳокама қилди.
“Қўшма ҳамкорликнинг муваффақиятли намунаси сифатида мамлакатда “Татнефть” ОАЖнинг ёқилғи қуйиш шохобчалари тармоғини яратиш лойиҳасини келтириш мумкин. “Ўзбекнефтгаз” АЖ томонидан 7 та ёқилғи қуйиш шохобчаларидан иборат қўшимча рўйхат таклиф этилиб, ушбу лойиҳаларни баҳолаш бошланди”, - дейилган Энергетика вазирлиги хабарида.
"Татнефть" ОАЖ ўзбекистонлик ҳамкорлар билан фаол ҳамкорлик қилиб келмоқда. Компания республикада ёқилғи қуйиш тармоқларини ривожлантириш лойиҳаларини амалга оширмоқда ва нефть қазиб олиш ва уни қайта ишлашда иштирок этиш ниятида.