ТОШКЕНТ, 18 апр — Sputnik. Москва вилоятидаги Алабино полигонида Улуғ Ватан урушида қозонилган Ғалабанинг 77 йиллигига бағишланган парадга тайёргарлик кўриш бўлиб ўтди. Бу ҳақда Россия Мудофаа вазирлиги матбуот хизмати хабар бермоқда.
“Қизил майдондаги парадга тайёргарлик кўришда жами 11 минг ҳарбий хизматчи, 131 та замонавий қурол-яроғ ва ҳарбий техника, 77 та самолёт ва вертолёт жалб қилинган”, - дейилган хабарда.
Майдон бўйлаб “Тайфун”, “Курганец-25” жанговар машиналари, Т-72БЗМ, Т-90М "Прорив" ва Т-14 "Армата” танклари, “Искандер” ракета мажмуалари, Тор-М2", "Бук-МЗ" ва С-400 "Триумф" каби ҳаво ҳужумига қарши мудофаа тизимлари ўтади.