ТОШКЕНТ, 7 апр — Sputnik. Херсонда ҳудудий мудофаанинг собиқ жангарилари илгари Украина ҳукумати томонидан тарқатилган қуролларни ихтиёрий топширишмоқда. Бу ҳақда РИА Новости ўз манбасига таянган ҳолда хабар бермоқда.
Қайд этилишича, асосан Калашников автомати ва унинг ўқ-дориларини топширишмоқда.
“Украина томони ҳамма хоҳловчи фуқароларга барча қурол-яроғни бирор бир ҳужжатсиз ва қайдсиз тарқатган”, - деган манба.
Россия 24 февраль куни Украинада махсус ҳарбий операция бошланганини эълон қилди. Президент Владимир Путин ушбу операциянинг мақсади "саккиз йил давомида Киев режими томонидан таҳқирланган ва геноцидга учраган одамларни ҳимоя қилиш" деб атаган.
Бунинг учун Украинани демилитаризация (ҳарбий инфратузилмаларини йўқ қилиш) ва денацификация (миллатчилик ғояларидан тозалаш) қилиш талаб этилади.
Мудофаа вазирлиги баёнотига кўра, Қуролли Кучлар фақат ҳарбий инфратузилма ва Украина қўшинларига зарба бермоқда. 25 мартга келиб улар биринчи босқичнинг асосий вазифаларини бажаришди - Украинанинг жанговар салоҳиятини сезиларли даражада камайтиришди.
Россия Мудофаа вазирлиги энди асосий мақсад - Донбассни озод қилиш эканини таъкидлаган.