ТОШКЕНТ, 5 апр — Sputnik. Икки йиллик танаффусдан сўнг Тошкент—Париж—Тошкент йўналиши бўйича мунтазам авиақатновлар тикланмоқда. Бу ҳақда “Uzbekistan Airways” матбуот хизмати хабар қилди.
Авиакомпания хабарига кўра, парвозлар 29 апрелдан 10 июнга қадар ҳафтасига икки марта — сешанба ва жума кунлари амалга оширилади.
Эслатиб ўтамиз, Ўзбекистон коронавируснинг кириб келиши олдини олиш мақсадида 2020 йилнинг март ойида Европанинг қатор давлатлари, жумладан, Франция билан авиақатновларни вақтинча тўхтатган эди.