ТОШКЕНТ, 1 апрель — Sputnik. Бугун, жума муносабати билан Шахрисабзда айрим ҳайдовчилар фуқароларни манзилига бепул етказмоқда. Бу ҳақида Шаҳрисабз шаҳар ҳокимлиги хабар бермоқда.
Шаҳрисабз-Китоб йўналишида қатновчи айрим автомобил хайдовчилари ўз ойналарига “Бепул” деб ёзилган стикерларни ёпиштиришди. Улар соат 7:00 дан 14:00 гача аҳолига бепул хизмат кўрсатади.
Хабарда айтилишича, Шаҳрисабзда 10 нафар хайдовчи томонидан "Эзгу йўл" лойиҳаси амалга оширилмоқда.
“Лойиҳа иштирокчилари яни ҳайдовчилар Шаҳрисабз-Китоб йўналишида ҳар жума куни йўловчиларни бепул ташишда ташаббус кўрсатишмоқда”, дейилади хабарда.