Об-ҳаво ўзгариши ва бундан инсонда кайфият ёмонлашишининг ёмон томони йўқ. Бу ҳақда терапевт шифокор Филипп Кузьменко Sputnik радиосига маълум қилди.
“Бундан ташвишланиш керак эмас. Чунки бундай жараёнлар саломатлик учун зарарли эмас. Кундан кунга инсоннинг ўзини қандай ҳис қилиши ўзгариб боради. Айтайлик, бугун уйғонганингизда кайфиятингиз яхши эмас эди. Бу касал дегани эмас”, - дейди шифокор.
Мутахассиснинг таъкидлашича, дори-дармон орқали метеоқарамликни даволаш мумкин эмас. Аммо бундай ёқимсиз ҳолатдан ҳимоя қиладиган восита бор, яъни соғлом турмуш тарзи.
“Ёмон об-ҳавода саломатлик ўзгариши ташхис эмас. Бундай жараёнларни бошдан кечираётган инсонларга фақат соғлом турмуш тарзини тавсия қилиш керак. Бадантарбия билан шуғулланиш, бир вақтда ухлаш ва уйғониш, тўғри овқатланиш – буларнинг барчаси фойдали бўлади. Айнан шу оддий қоидалар саломатликка ижобий таъсир қилиб, кайфият ва саломатликнинг об-ҳаводан қарамлигини бартараф этиши мумкин”, - дея таъкидлади шифокор.