ТОШКЕНТ, 14 мар — Sputnik. Ўзбекистон ва бошқа МДҲ мамлакатларининг туризми шиддат билан ривожланиши кутилмоқда. Бу ҳақда Умумроссия йўловчилар уюшмаси раҳбари Илья Зотов Sputnik радиоси билан суҳбатда маълум қилди.
Росавиация илгари коронавирус сабаб киритилган чекловларни бекор қилмоқда. Россия саккизта давлатга, жумладан, Ўзбекистонга нисбатан киритилган авиақатновлар чекловларини бекор қилди.
Зотов бу МДҲ мамлакатларида туризм жадал ривожланишига олиб келишини тахмин қилди.
“Қатор машҳур йўналишлар ёпилиши туфайли кўплаб фуқаролар учун ўрганилмаган МДҲ йўналишлари ички туризм билан бир қаторда гуркираб ривожланади”, - деди у.
Эксперт ҳозир чипталар нархини паст даражада ушлаб туриш асосий вазифа эканини қўшимча қилди.