“Ибратли оила” кўкрак нишони таъсис этилади

Оилавий қадриятларни сақлаш ва ривожлантиришга муносиб ҳисса қўшган оилалар учун кўкрак нишони таъсис этилади.
Sputnik
ТОШКЕНТ, 13 мар — Sputnik. Ўзбекистонда "Ибратли оила" кўкрак нишони таъсис этилади. Бу президент Шавкат Мирзиёев имзолаган "Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида"ги фармонда кўзда тутилган.
Бу кўкрак нишони фаровон ва барқарор оилаларнинг ҳаётий тажрибаларини оммалаштириш мақсадида оила институтини мустаҳкамлаш, оилавий қадриятларни сақлаш ва ривожлантиришга муносиб ҳисса қўшган оилаларга берилади.
Уни 15 май — Халқаро оилалар кунида топшириш тартиби белгиланган.
Оила ва хотин-қизлар давлат қўмитаси бир ой муддатда "Ибратли оила" кўкрак нишони тўғрисидаги низом лойиҳасини тасдиқлаш учун Вазирлар Маҳкамасига киритиши лозим.