ТОШКЕНТ, 11 мар - Sputnik. Шавкат Мирзиёев Фармацевтика агентлиги директори Сардор Кариев ва "Ўзбекистон темир йўллари" раиси в.б. Хуснутдин Хасиловларга "ҳайфсан" берди.
Президент матбуот котиби Шерзод Асадовнинг ёзишича, Шавкат Мирзиёев раҳбарларни мсаҳсулот ишлаб чиқариш бўйича 2022-2023 йилларга мўлжалланган 37 трлн. сўмлик лойиҳаларни етарлич абажармаганини танқид қилган.
Хусусан, Фармацевтика агентлиги режани 51 %га, “Ўзбекистон темир йўллари” эса 10 %га бажарган. Саноат кооперацияси бўйича ишлар бошланмаган. “Иссиқлик электр станциялари” эса режани атиги 26 %га бажарилган.
Шундан келиб чиқиб, Фармацевтика тармоғини ривожлантириш агентлиги директори С.Кариевга “ҳайфсан” эълон қилинди. Унинг иккала ўринбосарини ишдан олишга кўрсатма берилди.
Бош вазирга мазкур Агентлик фаолиятини тубдан ўзгартириш бўйича аниқ чоралар кўриш топширилди.
Шунингдек, "Иссиқлик электр станциялари" раиси Ф.Абдурахмонов, "Ўзметкомбинат" директори Р.Пирматов, "Ўзбекнефтгаз" раисининг биринчи ўринбосари Ш.Алиризаевга қатъий огоҳлантириш берилди.
Январь-февраль ойларида “Электрон кооперация” портали орқали 860 млрд. сўмлик 5 мингта шартнома тузилган бўлсада, ижроси айрим ҳудудларда бажарилмагани, электрон савдоларда Қорақалпоғистон, Наманган, Сурхондарёва Хоразмдаги корхоналар улуши 1 %ни ҳам ташкил қилмаслиги танқид қилинди.
Унинг икки ўриндосари Дилшод Акбаров ва Алишер Темиров эса ишдан бўшатилиши айтилди. Бундан ташқари, "Ўзбекистон темир йўллари" раиси в.б. Хуснутдин Хасилов ҳам "ҳайфсан" олди.