ТОШКЕНТ, 10 мар — Sputnik. Венгрия парламенти пайшанба, 10 март куни, оила, ёшлар ва халқаро муносабат ишлари бўйича вазир Каталин Новакни давлат раҳбари этиб сайлади.
Новак бу лавозимга сайланган илк аёл бўлди. Унинг номзодини ёқлаб 199 депутатдан 137 таси овоз берди. Овоз бериш жараёни Венгриянинг М1каналида эфирга узатилди.
Каталин Новакнинг сайловдаги рақиби мухолифат партиядан бўлган 80 ёшли иқтисодчи Петер Рона эди.
Венгрия президенти Миллий йиғилиш томонидан 5 йил муддатга сайланади. 2012 йилдан буён бу лавозимни Янош Адер эгаллаб келаётган эди.