ТОШКЕНТ, 10 мар — Sputnik. Тошкент шаҳридан Россиянинг Қозон ва Новосибирск шаҳарларига қўшимча авиақатновлар амалга оширилади. Бу ҳақда “Uzbekistan Airways” матбуот хизмати хабар қилди.
Таъкидланишича, бу рейслар йўловчилар орасида талаб ортгани сабаб йўлга қўйилмоқда.
Тошкент—Қозон йўналиши бўйича қўшимча парвозлар 13, 16, 20 ва 23 март кунлари ташкил этилади. Тошкент—Новосибирск йўналиши бўйича рейслар эса 15 ва 22 март кунлари бажарилади.
Аввалроқ авиакомпания Тошкент-Екатеринбург, Тошкент-Москва, Тошкент-Санкт-Петербург йўналиши бўйича ҳам қўшимча авиақатновларни йўлга қўйган эди.