ТОШКЕНТ, 8 мар - Sputnik. Россия томони Украинага 8 март соат 10:00 дан бошлаб "тинчлик режими" эълон қилди. Бу ҳақида Россия Федерациясининг муассасалараро координацион штаби маълум қилди.
"2022 йил 8 март соат 10:00 (москва вақти) дан бошлаб Россия Федерацияси тинчлик режими эълон қилади. Киева ва унинг атрофларидан Беларусь ҳудуди орқали Россия Федерациясига тинч аҳолининг чиқишини таъминлайди. Ушбу чоралар Украина томони билан келишилган ҳолда амалга оширилмоқда", - дейилган баёнотда.
Шунингдек, Черниговдан, Сум шаҳарларидан гуманитар коридорлар икки йўналишда очилади: Полтава ва Россия ҳудудига. Харьковдан Россия, Львов, Ужгород, Ивано-Франковск шаҳарларига. Ундан ташқари Мариуполь шаҳридан Россия ва Запорожье томонга иккита гуманитар коридорлар очилади.
Эслатиб ўтамиз, Россия Қуролли кучлари Франция президенти Эммануэл Макроннинг Владимир Путинга илтимосига биноан 7 март куни соат 10:00 дан бошлаб Украинада тинчлик режими эълон қилди ва гуманитар коридорларни очди. Тинч аҳоли Киев, Мариуполь, Харьков ва Сум шаҳарларини тарк этиши учун 6та йўлак очилди.
Ундан олдин Россия Қуролли кучлари Украина ҳукумати билан эришилган келишувга асосан 5 март куни Мариуполь ва Волноваха шаҳарларини тарк этиш учун соат 10:00 дан бошлаб тинчлик коридори ташкил қилган эди. Лекин жангарилар аҳолига шаҳарларни эркин тарк этишга рухсат бермаяпти, - деб хабар қилди Россия МВ бир неча соатдан сўнг.