ТОШКЕНТ, 5 мар — Sputnik. Россия Мариуполь ва Волновахада тинчлик режими эълон қилди, деб хабар қилмоқда Мудофаа вазирлиги.
"Бугун, 5 март Москва вақти билан соат 10:00дан бошлаб Россия томони тинчлик режими эълон қилади ва тинч аҳолининг Мариуполь ва Волновахадан чиқиши учун тинчлик режими эълон қилинади", - дейилган хабарда.
Хабарда айтилишига кўра, ушбу шаҳарлардан чиқиш бўйича гуманитар коридорлар йўналишлари Украина томони билан келишилган. Бироз олдин Украина президентининг ёрдамчиси Михаил Подоляк Волновахани 20 минг киши Мариупольни — 200 минг киши тарк этишни режалаштираётганини маълум қилган эди.
Айни дамда ушбу икки шаҳар Украина ҳарбийлари томонидан назорат қилинмоқда, лекин улар ДХР ва ЛХР қўшинлари томонидан қуршовга олинган.
Эслатиб ўтамиз, Россия президенти Владимир Путин Донецк ва Луганск республикалари сўровига биноан ушбу икки республикани тан олиш тўғрисида фармонни имзолаган эди. 24 февраль куни эрта тонгда эса Украинани қуролсизлантириш ва миллатчилардан тозолаш бўйича ҳарбий операция бошланди. Россия Мудофаа вазирлиги хабарига кўра, зарбалар фақат ҳарбий инфратузилма ва ўқ-дори омборларига берилмоқда, тинч аҳоли турар жойлари ва шаҳарларга зарба берилгани йўқ. Иккала томондан ҳам қуробонлар бор.