Россия ва Украина ўртасидаги музокараларнинг иккинчи босқичи Беловеж пушчасида бўлиб ўтади.
Беларус Ташқи ишлар вазирлиги музакаралар ўтказиладиган стол суратини чоп этди.
Учрашув аниқ жойи очиқланмаган, фақат "Овчилар уйи" эканлиги маълум.
Москва ва Киев вакиллари уни биргаликда танладилар.
Музокараларнинг биринчи босқичи “балиқчи уйи”да бўлиб ўтганди.
Россия делегацияси музокаралар жойига етиб келди.
Украина делегацияси эртага келади, деди РФ делегация раҳбари Владимир Мединский.
Унинг сўзларига кўра, Россия ҳарбийлари Киевдан келадиган делегация учун хавфсизлик коридорини тақдим этди. Улар эртага эрталаб Беларусдаги музокаралар ўтказиладиган жойга етиб боради.
“Эртанги музокараларда ўт очишни тўхтатиш масаласи ҳам муҳокама қилинади”, - деди Россия делегацияси раҳбари Мединский.
Унинг сўзларига кўра, Россия Киев билан қатор йўналишлар бўйича ўзаро ҳамфикрликка эришган.