ТОШКЕНТ, 1 мар — Sputnik. Ўзбекистонда рубль курси сезиларли даражада пасайди, деб хабар қилмоқда Марказий банк.
Россия рублининг расмий курси 1 март куни 21,46 сўмга пасайиб 106,6 сўмни ташкил қилди. Бу сўнгги кўрсатгичга қараганда 16,5%. Бу 2017 йилнинг августидан буён кузатилган энг паст курс бўлди.
Бироз олдин Марказий банк Украинадаги вазият туфайли ўзбек сўми учун ҳеч қандай таҳдид кўрмаётганини, лекин шу билан бирга, Россияга нисбатан нисбатан киритилган Ғарб санкцияларнинг Ўзбекистон иқтисодига еттказиши мумкин бўлган оқибатларини баҳолаш ҳозирча мураккаб эканини таъкидлаган эди.
Маълумот учун, бугунги кунда Россияда 1 миллиондан ортиқ Ўзбекистон фуқаролари меҳнат қилмоқда. Россиядан жўнатилаётган пул ўтказмалари уларнинг оилалари учун муҳим даромад манбаи бўлиб қолмоқда. Бугунги кун ҳолатига Россияда Ўзбекистонга пул жўнатиш тизимларининг барчаси одатий тартибда ишламоқда.
Бироз олдин Hamkorbank Россиянинг "Сбербанк"и орқали пул ўтказмалари вақтинча тўхтатилганини маълум қилган эди, лекин сўнгги маълумотларга кўра "Сбербанк" ва Hamkorbank орасида пул ўказмалари тизими қайта ишга тушган.