Россия президенти Владимир Путин украиналик ҳарбийларни мамлакатдаги ҳокимиятни ўз қўлига олишни таклиф қилди.
"Ҳокимиятни ўз қўлингизга олинг. Киевда ўтириб олиб бутун Украина халқини асирга олган наркоман ва неонацистлар шайкасидан кўра сиз билан келишишимиз осонроқ бўладиган кўринади”, - деди у.
Давлат раҳбари, шунингдек, украиналик аскарларни радикалларнинг тинч аҳолидан тирик қалқон сифатида фойдаланишига йўл қўймасликка чақирди.
Аввалроқ Мудофаа вазирлиги Киев ҳукумати Украина пойтахтининг турар-жойларида “Град” ракета тизимларини жойлаштирганини маълум қилганди. Операциянинг бошланишиданоқ тинч аҳолига қарата зарба бермасликларини таъкидлаган.
Вазирликнинг расмий вакили генерал-майор Игорь Конашенков ҳам Украина Қуролли кучларининг Донбассдаги ҳарбий хизматчилари деярли қаршилик кўрсатмаганини айтди. Жанглар асосан нацбаталонлар томонидан олиб борилмоқда.
Бир кун аввал Россия президенти Владимир Путин Донбассда махсус ҳарбий операция ўтказилишини маэлум қилган эди. Унинг сўзларига кўра Москванинг режаларида Украинани босиб олиш эмас, фақат уни қуролсизлантириш ва неонацистларни йўқотиш мақсад қилинган.