ТОШКЕНТ, 22 фев — Sputnik. Олий Мажлис Қонунчилик палатаси мажлисида "Ташқи меҳнат миграцияси тўғрисида"ги қонуни лойиҳаси учинчи ўқишда кўриб чиқилди.
Қайд этилишича, қонун лойиҳасида назарда тутилаётган нормалар билан уюшган ҳолда ишга жойлаштириладиган фуқароларни ижтимоий қўллаб-қувватлаш, Ўзбекистондан ташқарида ишлаётган фуқароларнинг ҳуқуқлари ва қонуний манфаатларини ҳимоя қилиш, меҳнат миграциясидан қайтиб келган фуқароларни реинтеграция қилиш тартиби тизимлаштирилади.
Шунингдек, меҳнат мигрантларига муайян имтиёз ва преференциялар тақдим этилмоқда.
Депутатлар қонун лойиҳасининг аҳамияти, иккинчи ўқишда билдирилган таклиф-тавсияларнинг лойиҳада акс эттирилганини алоҳида таъкидлаб, уни учинчи ўқишда қабул қилди.