ТОШКЕНТ, 17 фев — Sputnik. Ўзбекистонда 1-синф ўқувчилари учун февраль ойида белгиланган қўшимча бир ҳафталик таътил берилмайди, деб хабар қилмоқда Халқ таълими вазирлиги матбуот хизмати.
Бунга ўқувчиларнинг қишки таътил кунларини жорий йилнинг 24 январига қадар узайтирилганлиги сабаб қилиб кўрсатилган.
“Шу муносабат билан 1-синф ўқувчилари учун февраль ойида белгиланган қўшимча бир ҳафталик таътил берилмаслигини маълум қиламиз”, - дейилган хабарда.
Эслатиб ўтамиз, ўқувчилар учун қишки таътил 25 декабрдан бошланган эди. Таътил 2022 йилнинг 10 январигача давом этиши керак эди. Кейинроқ таътил муддатини 24 январгача узайтиришга қарор қилинди.