ТОШКЕНТ, 8 фев — Sputnik. Тошкент вилояти фуқаролик ишлари бўйича туманлараро суди судьяси пора олишда гумонланмоқда. Бу ҳақда Судьялар олий кенгаши матбуот хизмати хабар берди.
Кенгашнинг 7 февраль кунги йиғилишида Тошкент вилояти фуқаролик ишлари бўйича туманлараро суди судьяси Т.О.ни жиноий жавобгарликка тортишга оид тақдимнома муҳокама қилинган.
Кенгаш якунида уни Жиноят кодексининг 210-моддаси (пора олиш) 2-қисми билан жиноий жавобгарликка тортишга розилик берилган.
Хабарда тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмаслиги қўшимча қилинган.