ТОШКЕНТ, 7 фев - Sputnik. “Тахтақорача” довони автомобил ҳаракати учун қайта очилди деб хабар қилмоқда Самарқанд вилояти ИИВ Йўл ҳаракати хаввфсизлиги бўлинмаси.
“Тахтақорача” довонида автомобиль йўлини қордан тозалаш ишлари олиб борилиб, айни вақтларда довон йўлида транспорт воситаларининг ҳаракатланиши учун рухсат берилди.
️Барча ҳайдовчилардан тезлик меъёрини оширмасдан, оралиқ масофани сақлаб ҳаракатланишларини сўраймиз.
Эслатиб ўтамиз, тўхтовсиз ёққан қалин қор оқибатида йўл устида музламалар пайдо бўлгани туфайли, "Тахтақорача" довони 6 феврал куни соат 16:00да тўхтатилган эди.